‘I vutazioni

 

 

         Arruvatu ‘u tempu d’ ‘i vutazioni,

si fannu comizi e discussioni,

tantu si parla e troppu si prumetti,

ma nenti si faci e nenti si cunnetti.

 

-         Bona sira don Cicciu ! – Salutamu –

- Un minuteddu sulu ci àrrubbamu

- Puru dùi, non c’è probrema,

vossia è sinnicu e tutti cosi sistema.

 

-         Vinni assemi cu’ l’assessuri

ppi ci dumannari un fauri…

- Cumanassi! – Carchi votu cà po’ nesciri?

‘U nostru partitu ha’ bisognu di crisciri!

 

-         Iò sugnu assessuri o’ tisoru

e pozzu sistimari a vostra soru

e si’ voti assai pigghiu,

accuntentu puru a vostru figghiu.

 

-         Basta, firmativi – dissi don Cicciu –

e ppi cortesia non facemu autru pasticciu;

ormai iò conusciu bona la storia,

a mia non mi ‘nganna la memoria.

 

 

         Troppi prumissi haju sintutu

e mai chi nuddu l’ha mantinutu;

non vi supportu chiù, schifosi politicanti,

siti tutti latri, ‘mbrugghiuna e furfanti.

 

 

S. Salvatore, Agosto 1998.